Paikallisia sanontoja

Näytelmässä olevia paikallisia sanontoja:

- Siinä se hiem purkaa, ennenko tervat oon Torniossa
- Rahhaa mulla oon ollu siittä saakka, ko äiti plakkarit teki
- Frätti ja Kräpä, neljäkymmentä paria Aapualaisia eikä kelhään paulakenkiä
- Ei puutu kuin Jumalan armoa ja rautakärröjä
- Taloa se kiittää ko piika pieree
- Ko oon kahen keskelä, en oo kenheen vieressä
- Suuret herrat on susia, pienet herrat on piruja, fouvik kaikki häijyjä
- Jumalan terve, kahvin tarve ja alituinen sokkerin puute
- Häpeämätön ko ruottalainen taivaan portila
- Tossassa on kuolu ruumis tupakan nälkhään, sängyn jalkhaan
- Kiertää ko piru risuvalkeaa
- Leveä ko sanskerin kalalauta
- Kiiltää ko paholaisen housun knappi
- Leikkisä ko leskenperse
- Seisoo ko Moolekki Kotaniemessä
- Seisoo ko allakantekijä Köngäsen tienhaarassa
- Vanthuut käessä niinko lehmänostajalla
- Nauraa ko Keuhtan piru eli pillun kerittijä
- Jäi Säipän osale
- Immee ko nahkiainen hukkunheen ruumista
- Helisee ko Hellantin kulkuset
- Aivan, sano Orren Iivari, ko pyörällä ojhaan ajo
- Niin vain, sano kirjuri Pekka ja taasen kirjotti
- Päivää Freistiksi, sano Kentän Erkki
- Se muuttaa asiaa, sano Pylkäs Kusto Torniossa
- Hesputihei, sano Ajos Kalle Ylitorniolla
- Karhuvaarassa on hapannu maitovelli ja Nutikummussa on huomenna joulu.